常見問題 | MERRY SWIMAS 香港水泳社

06 即日請假，無得補堂？

每個人水感、膽量、體能同目標都唔一樣，所以「學識」嘅定義都會唔同。未見到新社員嘅實際情況之前，教練無辦法準確估到要幾多堂先學識游水。

如果你能報名嘅堂數有限，或者可以投放嘅時間有限，教練團會建議你一開始為自己設立一個「今期課程想達到嘅目標」，例如：敢落水、可以自己飄浮、游到幾多米等等。未必完成一期課程就可以完全「學識游水」，但可按自己個人能力同教練嘅專業建議，逐步調整同提升自己嘅目標。

教練團會因應每位社員嘅能力安排合適教學內容，你亦可於課堂時主動同教練討論自己情況。課堂上教練必定用心教學，但要記住，課外時間如果可以配合個人練習，進步會更快，特別係心急想儘快學識嘅初學者。

初學人士建議約朋友一齊喺淺水區練習，互相照應之餘，安全意識亦係最重要。

二、初學課程會學咩泳式？

初學班主要教授自由式及蛙式，會由基礎開始，逐步建立水中自信同正確動作。

每位社員的背景都不同，教練會因應你現有能力和表現調整內容：

打好基礎好重要，有穩固的水感、呼吸和身體協調，之後學其他泳式會事半功倍。

三、擔心跟其他社員既進度不同？

不需要擔心。因為每人能力、過往經驗、報名堂數都唔一樣，同一班社員的進度本身就會有差異。

教練會因應每位社員的程度安排練習。有時同一課堂裡，不同社員做的練習內容都可能唔同，目的是令大家都在合適的難度下進步。你只需要按自己步伐完成教練安排的練習！有疑問直接於課堂跟教練溝通就可。

四、Merry Swimas香港水泳社課程教練係由男或女教練授課？是否有經驗？

本社游泳課程只有女教練團隊授課。

全女生泳班由女教練團隊授課。

全男生泳班由女教練團隊授課。

教練團經由社長嚴選，並會接受社長親自教授的教學步驟及技巧培訓。每位教練均具一定教學經驗，重視同理心、有耐性，並以細緻、安全的教學為首要考慮。

五、泳池可否著 Tee 落水？

香港公眾泳池可攜帶清潔的白色 T 恤落水，主要因為池水有漂白成分，白色較不易甩色。

注意：T 恤並無保暖作用，而且較厚重，容易阻礙活動及影響上課表現。

建議：上課時穿長袖防曬衣，質料快乾、較貼身、防走光，同時具輕微保暖效果，對初學者會舒適得多。

六、即日請假，無得補堂？

每個課程已預設指定可請假次數，社員可按自己情況事先安排請假日期。

由於教練團嚴謹控制每課人數及教練安排，保障小班教學質素，如因個人理由即日請假，或請假次數超過課程所訂限額，該課堂仍會按已預留之名額照常進行。

為確保對所有社員公平，即日請假或超出可請假次數的缺席，會被視為放棄該課堂，不會個別安排額外補堂，敬請理解。

如屬病假，請到「課堂須知」網頁了解具體安排。

七、上堂必須要帶浮板嗎？就算我識飄浮，識游少少的話無浮板可否上堂？

建議社員自備浮板，有帶就有得用；沒有浮板亦可以上堂，只是練習安排會有少許限制。

有浮板時，教練可以設計更多針對性練習，例如呼吸節奏、踢腳配合等，有助你更快建立穩定動作。

浮具只屬輔助工具，情況有少少似學踩單車用輔助轆——無輔助轆一樣可以學，但跌倒機會可能較多，掌握技巧所需時間亦可能較長。

本社為社員們能夠便攜浮板，特別設計美觀又實用嘅心型浮板！歡迎於報名表內加購或聯繫行政專員購買。

八、「經期可否游水」？有咩方法解決？

好多女生都會擔心經期影響運動，其實主要視乎你自己身體狀況同接受程度。若經痛或感到明顯不適，會建議你留家休息。

教練團隊在經期期間都會照常授課，一般會使用棉條或月經杯作處理方法，若你想了解更多，可以主動聯絡我們，我們樂意分享經驗。

如果你暫時未想嘗試棉條或月經杯，又想避免即日請假或請假次數過多，建議你多留意自己經期周期，盡量預早計劃上課安排。

參考文章：
【Swim During Menstruation｜經期時游水？】棉條同月經杯小知識